خسران الي ميفوت(ابــــــــوذيــــــــــــات روعـــــــــــــ

منو بعدك حبيبي انخة انة
عزيز بكلب محبوبة وان خانة
علي والعباس اامتي انخة انة
يحن كلبك يهالجاسي علية

يكلبي منين هالحسرة والم بيك
كضيت العمر مطشر والم بيك
يفلان ارحم بكلبي الي ولم بيك
بعدت وشما بعدت تاليك الية

لهن بية المصايب لهن شلهن
شعهدهن ساكنات وياي شلهن
لحكني الوكت على الرجلين شلهن
مقعد والهموم ادير بية...



lفلانة اسمج فتن شخصي وهويتة
وحبج ساكن بكلبي وهويتة
اطلبي الكلب وانتي اقري هويتة
عليل بحبج محمل اذية...]


احبهة وهية وحدة من قسمنة
وعميت عينة دهرنة من قسمنة
قسمتنة الردية من قسمنة
ويهل الدمع بينة سوية...

اريد اكتب شعر بيكم وانضمة
وترى ببعادكم نعطش ونضمة
دكلي شلون اخطنة وانضمة
حرت يا بيت اكتب يابو ذية...


عنيد وما رهم عودك وعودي
وفي ولاتضن اخلف وعودي
وبخورك بلاية عطر وعودي
بس عطر ولا دخان بية....


قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية...