الوكت التعبان اتخلو ابسرعة ولتفوتكم&&&&&am

عسى ايام التعدت كون ماردت
فرجت من بعد ماكلش اشتدت
امناحر عالفلوس وناس تكتل ناس
فسدت والخلك عن دينه ارتدت
انزاحت والحيا انباع برخيص السوم
احجايات الرده من حلوكنه اتبدت
ناس اشترت جاه ابدم ركاب الغير
تشلبت عالجتاف ابماله وصعدت
قسم باعت وطنه وتبعت الدولار
من هذا التراب اتبرت وشردت
والظلت تفرهد من حلال الناس
على احساب البكايه ارتاحت وكعدت
قسم تجار صارت بين ليله ويوم
داسو عالبخت واخلاقهم فسدت
واحنه الماعرفنه اشلون بيه انعيش
وادروب الرزق بوجوهنه انسدت
حرنه الياكتر وين الوجه ننطيه
المثلي ومثل غيري الحالنه اتردت
صبرنه ولانكرنه اتراب هاي الكاع
ولا للغير يوم اجفوفنه امتدت


تحياتي للجميع

مصطفى الراوي