هلو ياحلوين جبتلكم شعر شعبي اسمه (الورد)

الورد

اتعنيت لهل الورد
ردت اشتري ورده
صادفني اسمر حلو
اتبسملي واتعده
اشتميت ريحه عطر
تسوى الف ورده
ثاريها مو بالورد
ثاريها من خده
الورد يذبل تره
اشما طالت المده
بس الحلو اشما كبر
مثل الطفل بعده
يلي تبيع الورد
هاك الورد رده
وفلوسي خذهن الك
وظم وردك وشده
ومادام شفنا الحلو
اشنشتم عطر بعده
عزل وذب الورد
حتى المحل سده

مع تحياتي لكم وحبي واتمنى
تعجبكم وانتظر ردودكم

مصطفى الراوي